Recruitment Exams News

DRDO ఇంటర్న్‌షిప్ 2025  (DRDO Internship 2025): డిఫెన్స్ రీసెర్చ్ అండ్ డెవలప్‌మెంట్ ఆర్గనైజేషన్ (DRDO) విద్యార్థుల కోసం ఇంటర్న్‌షిప్ స్కీమ్‌ను  (DRDO Internship 2025) ప్రవేశపెట్టింది. డిఫెన్స్ టెక్నాలజీ రంగంలో ఇంజనీరింగ్/జనరల్ సైన్సెస్ నుంచి గ్రాడ్యుయేట్లు, పోస్ట్-గ్రాడ్యుయేట్‌లు  ఈ ఇంటర్న్‌షి‌ప్‌కు నమోదు చేసుకోవడానికి అర్హులు. DRDO ఇంటర్న్‌షిప్ 2025 ద్వారా అత్యాధునిక పరిశోధన, అభివృద్ధి (R&D) కార్యకలాపాలకు విలువైన అవకాశాలను పెంచడానికి విద్యార్థులను సన్నద్ధం చేయడం లక్ష్యంగా పెట్టుకుంది. DRDO రక్షణ రంగంలో అధునాతన సాంకేతికతలపై దృష్టి సారిస్తుంది. ఈ ఇంటర్న్‌షిప్ ద్వారా విద్యార్థులు ప్రయోగాత్మక రంగంలో అనుభవాన్ని పొందుతారు. రక్ణ రక్షణ పరిశోధనలో ఆవిష్కరణ  సాంకేతిక పురోగతులపై వారి అవగాహన కూడా పెుగుతుంది. అయితే ఇంటర్న్‌షిప్ సమయంలో సంభవించే ఏవైనా ప్రమాదాలు లేదా గాయాలకు DRDO పరిహారం చెల్లించదని విద్యార్థులు తెలుసుకోవాలి. 

ఇది కూడా చూడండి: డైలీ కరెంట్ అఫైర్స్ 18 ఫిబ్రవరి 2025 జాతీయం ,అంతర్జాతీయం

అదేవిధంగా కోర్సు రకాన్ని బట్టి సాధారణంగా శిక్షణ వ్యవధి నాలుగు వారాల నుంచి 6 నెలల వరకు ఉంటుంది. అయితే అది ల్యాబ్ డైరెక్టర్ ఆమోదంపై ఆధారపడి ఉంటుంది. 

DRDO ఇంటర్న్‌షిప్ ముఖ్యమైన వివరాలు (Key Features of the DRDO Internship Program)

DRDO ఇంటర్న్‌షిప్‌కు సంబంధించిన ముఖ్యమైన సమాచారం ఈ దిగువున అందించాం.  

• DRDOకి సంబంధించిన రంగాలలో ఇంటర్న్‌షిప్ శిక్షణ అందించబడుతుంది.
• ఇంటర్న్‌షిప్ చేస్తున్న విద్యార్థులకు ప్రాజెక్ట్‌లతో అనుబంధించడానికి అవకాశం కల్పించబడింది. 
• విద్యార్థులు తమ సంస్థ/కాలేజ్ ద్వారా వారి క్రమశిక్షణ ప్రకారం సంబంధిత ల్యాబ్/ఎస్ట్‌లతో కరస్పాండెన్స్ చేసుకోవాలి
• అప్రెంటీస్ చట్టం 1961లోని నిబంధనలు ఈ పథకానికి వర్తించవని గుర్తించాలి. 
• ల్యాబ్స్‌లోని ఖాళీలు, ల్యాబ్ డైరెక్టర్ ఆమోదానికి లోబడి ఇంటర్న్‌షిప్ శిక్షణ ఉంటుంది. 
• DRDO ల్యాబ్‌లు/స్థాపనలలో వర్గీకరించని ప్రాంతాలకు మాత్రమే ఇంటర్న్‌లు అనుమతించబడతారు.
• DRDO విద్యార్థులకు వారి శిక్షణ పూర్ైన తర్వాత వారికి ఉపాధి కల్పించడానికి ఏ విధంగానూ బాధ్యత వహించదు.
• DRDO ల్యాబ్‌లు/ఎస్టాబ్లిష్‌మెంట్‌లకు విద్యార్థుల అటాచ్‌మెంట్ సమయంలో సంభవించే ప్రమాదం కారణంగా వ్యక్తిగతంగా గాయపడిన సందర్భంలో DRDO ఎటువంటి పరిహారానికి బాధ్యత వహించదు.

DRDO ఇంటర్న్‌షిప్ 2025 కోసం ఎలా దరఖాస్తు చేసుకోవాలి?

DRDO ఇంటర్న్‌షిప్ కోసం దరఖాస్తు చేసుకోవడానికి విద్యార్థులు ముందుగా తమ అధ్యయన ప్రాంతానికి సంబంధించిన DRDO ల్యాబ్ లేదా సంస్థను గుర్తించాలి. తమ దరఖాస్తులను విద్యార్థి సంస్థ లేదా కళాశాల ద్వారా పంపించాల్సి ఉంటుంది. వారు దరఖాస్తును సంబంధిత DRDO ల్యాబ్‌కు పంపుతారు. దరఖాస్తును సబ్మిట్ చేసిన తర్వాత అందుబాటులో ఉన్న ఖాళీలు, ల్యాబ్ డైరెక్టర్ అభీష్టానుసారం దరఖాస్తునును స్వీకరిస్తారు.